Posar og greiðslulausnir fyrir íslensk fyrirtæki. Straumur er dótturfélag Kviku banka.

Við leysum flækjurnar, þú tekur við greiðslum

Persónuleg þjónusta frá fólki sem þekkir íslenskan markað.

Posar, vefgreiðslur, greiðsluhlekkir og þjónustuvefur á einum stað.

Greiðslukerfi Straums er byggt á Adyen, sömu greiðsluvél og Spotify, Zara og Uber nota.

Ein lausn fyrir allar greiðslur. Við sjáum um uppsetningu, tengingar og þjónustu svo þú getir einbeitt þér að rekstrinum.

Tengist öllum helstu afgreiðslu- og kassakerfum á íslenskum markaði.

Posinn talar við kassakerfið

Snertilausar greiðslur með korti, Apple Pay og Google Pay - viðskiptavinurinn borgar eins og hann er vanur.

Allar helstu greiðsluleiðir

Færslur, uppgjör, greiðslur og beinn innlestur í bókhaldskerfið. Þjónustuvefur Straums er hannaður með þarfir íslenskra söluaðila í huga.

Þjónustuvefur sem sparar tíma

Shopify, WooCommerce, Magento og fleiri kerfi.

Einfalt að tengja vefverslunina

Veldu greiðslusíðu, greiðslugátt eða greiðslutengla eftir þörfum fyrirtækisins.

Sveigjanlegar lausnir

Styður kortagreiðslur, Apple Pay og Google Pay með öruggu greiðsluferli.

Greiðslur sem viðskiptavinir treysta

Við sjáum um uppsetningu og tengingar svo þú getir byrjað sem fyrst.

Tengingar við helstu rekstrar-, afgreiðslu- og bókhaldskerfi

Kort, Apple Pay og Google Pay innifalin frá fyrsta degi

Uppgjör, færslur og skýrslur á einum stað

Einfalt viðmót sem sparar tíma í daglegum rekstri

Segðu okkur hvað þú þarft – posa, veflausn eða hvort tveggja og áætlaða veltu.

Fáðu tilboð

Við leiðum þig í gegnum allt ferlið.

Samningur og uppsetning

Þú byrjar að taka við greiðslum - einfaldara verður það ekki

Virkjun

Persónuleg þjónusta frá íslenskum sérfræðingum

Straumur

Þjónustuver Straums er opið alla virka daga 9 – 16

Viðskiptavinur er með körfuna fulla og ætlar að klára kaupin. Hann er í símanum. Kortið er einhvers staðar annars staðar.

Þetta er staðan þar sem sala tapast. Ekki af því verðið var of hátt eða varan ekki nógu góð, heldur af því kaupferlið bað um sextán stafa kortanúmer, gildistíma og öryggiskóða, slegið inn á símaskjá og svo þarftu staðfesta með rafrænu skilríki hjá þínum viðskiptabanka. Hvert auka skref í kaupferlinu þýðir að fleiri hætta við.


10-30% fleiri klára kaupin með Apple og Google Pay

Munurinn er mælanlegur. Samkvæmt Adyen, greiðsluvélinni á bak við Straum, skila Apple Pay og Google Pay umtalsvert hærra hlutfalli kláraðra kaupa en hefðbundið kortaform. Hjá mörgum vefverslunum þýðir það 10–30% fleiri kláruð kaup, sérstaklega í síma. Og sífellt stærri hluti netverslunar fer einmitt fram í síma.

Ástæðan er einföld. Fólk notar Apple Pay og Google Pay daglega og gerir ráð fyrir að geta borgað eins í vefverslun. Greiðslan er staðfest með andliti eða fingrafari og engin kortanúmer eru slegin inn.


Styttra kaupferli með veflausnum hjá Straumi

Ef vefverslunin þín tekur ekki við greiðslum eins og viðskiptavinirnir vilja borga, þá er einfalt að laga það. Sendu okkur póst á straumur@straumur.is eða hringdu í 5856600 og við hjálpum þér að bæta kaupferlið á netinu.

Styttra kaupferli. Færri yfirgefnar körfur.

Það þarf ekki alltaf stórt kassakerfi til að halda góðum takti í afgreiðslunni.

Fyrir kaffihús, sjoppur, matarvagna, sölubása og aðra sem vilja afgreiða hratt getur posaapp Straums verið einföld og þægileg lausn. Með appinu breytist posinn í öflugt verkfæri sem gerir starfsfólki kleift að sinna meiru á einum stað.

Hægt er að setja upp einfaldan vörulista sem birtist beint á skjá posans og reikna upphæðir með innbyggðri reiknivél.

Lausnin hentar sérstaklega vel fyrir fyrirtæki sem:

vilja stytta biðraðir og flýta fyrir afgreiðslu

Stundum eru einföldustu lausnirnar þær bestu. Með posaappi Straums er hægt að einbeita sér að viðskiptavinunum en eyða minni tíma í tæknina.

Ef þú vilt bæta posaappinu í þinn Straums posa, heyrðu í okkur á straumur@straumur.is.

Fljótari afgreiðsla með posaappi Straums

Sumarið er handan við hornið og með því kemur aukin umferð. Erlendir ferðamenn, fleiri sölustaðir og útisvæðið opnar. Við höfum sett saman nokkur atriði sem skipta máli fyrir söluaðila að vita áður en sumarið fer af stað.


Erlendir gestir borga í sinni mynt.
Þú færð borgað í íslenskum krónum.

Þegar erlendur ferðamaður greiðir með korti hjá þér getur posinn boðið honum að greiða í sinni heimamynt í stað íslenskra króna. Þetta kallast Dynamic Currency Conversion, eða Myntval.

Fyrir gestinn eru þetta þægindi. Fyrir þig eru þetta aukatekjur af hverri færslu.

Til að geta boðið upp á Myntval þarf þjónustan að vera virk á posunum þínum. Margir söluaðilar vita ekki hvort hún sé virk eða ekki. Það er einfalt að kanna málið. Sendu okkur línu á straumur@straumur.is og við athugum stöðuna fyrir þitt fyrirtæki.

Það er einfalt að panta fleiri posa á þjónustuvefnum.

Hvort sem þú ert að bæta við útisvæði, opna á fleiri stöðum eða þarft bara einn posa í viðbót, þá er einfalt að panta posa á þjónustuvefnum. Farðu inn á þjónustuvefinn, veldu tegund og skráðu afhendingastað. Við höfum samband þegar posinn er tilbúinn.

Leiðbeiningar fyrir Þjónustuvef Straums



Ertu að taka á móti nýju starfsfólki í sumar?
Gefðu þeim réttan aðgang.

Þú getur bætt notendum við þjónustuvefinn og stillt nákvæmlega hvað þeir sjá og geta gert. Aðgangur getur verið takmarkaður við einn samning, ákveðnar aðgerðir eða eingöngu lesréttindi.

Engin þörf á að deila lykilorðum og einfalt að afvirkja notanda hvenær sem er.

Leiðbeiningar fyrir Þjónustuvef Straums

Sendu uppgjörið sjálfkrafa í bókhaldið 

Ertu enn að fara yfir færslur handvirkt? Straumur tengist beint við BC, DK, Tegra, Dynamix AX og Uniconta. Uppgjör fara sjálfkrafa úr þjónustuvefnum yfir í bókhaldskerfi þitt, án þess að þú þurfir að gera nokkuð.

Farðu áhyggjulaus í sumarfríið og sendu uppgjörið beint í bókhaldið!

Óska eftir beinni tenginu við bókhaldið


Söluaðilar Straums hafa kost á að taka við American Express, JCB og UnionPay. 

Amex kort eru mikið notuð, bæði á Íslandi og á netinu, og korthafar eyða að jafnaði hærri upphæðum í hverri færslu.

JCB kort eru algeng meðal ferðamanna frá Japan og öðrum Asíulöndum, þar sem þau eru mikið notuð í daglegum greiðslum.

UnionPay er stærsta kortakerfi í heimi og er sérstaklega útbreitt meðal kínverskra ferðamanna og í alþjóðlegri netverslun.

Uppsetning er einföld og Straumur sér um ferlið með þér. Hafðu samband við okkur á straumur@straumur.is.

Er allt klárt fyrir sumarið?

Nú er hægt að virkja tveggja þátta auðkenningu við innskráningu á þjónustuvef Straums.

Með tveggja þátta auðkenningu þarf notandi ekki aðeins að slá inn lykilorð heldur einnig að staðfesta innskráningu með síma eða auðkennisforriti. Þetta eykur öryggi verulega og dregur úr hættu á óviðkomandi aðgangi.

Uppsetning er einföld og tekur aðeins nokkrar mínútur. Við mælum með að allir notendur virki þessa viðbót til að auka öryggi aðgangs að þjónustuvefnum.

Leiðbeiningar um hvernig á að virkja tveggja þátta auðkenningu má finna hér.

Virkjaðu tveggja þátta auðkenningu

Söluaðilar Straums geta nú sent greiðslutengla með SMS eða tölvupósti beint úr þjónustuvef Straums. Hvert sent SMS kostar 10 kr. en ekkert gjald er tekið ef sent er með tölvupósti.

Með nýju uppfærslunni er hægt að stofna greiðslutengil og senda hann strax til viðskiptavinar án þess að nota posa eða vefverslun. Viðskiptavinurinn gengur svo frá greiðslu á öruggri greiðslusíðu Straums með korti, Apple Pay eða Google Pay.

taka þarf við greiðslu í síma eða í gegnum samfélagsmiðla

rukka þarf fyrir þjónustu eða sérpantanir

einfalda á greiðsluferli án vefverslunar

Greiðslutenglar eru stofnaðir á þjónustuvef Straums þar sem einnig er hægt að fylgjast með stöðu greiðslna, sjá hvaða tenglar hafa verið greiddir og endursenda tengla ef þörf er á.

Með þessari viðbót verður ferlið fljótlegra og einfaldara fyrir bæði söluaðila og viðskiptavini.


Ef þú hefur áhuga á að nýta greiðslutengla, sendu okkur línu á straumur@straumur.is og við græjum málið.

Sendu greiðslutengil beint úr þjónustuvefnum

Gervigreind er farin að hafa áhrif á hvernig við leitum að vörum og þjónustu. Næsta skref er að hún taki einnig þátt í sjálfum kaupunum.

Þetta er kallað agentic commerce – þegar notandi felur gervigreind að finna, bera saman og kaupa vörur fyrir sig.

Í stað þess að fara sjálf/ur í gegnum netverslun getur viðskiptavinur einfaldlega sagt:
„Finndu fyrir mig bestu flugin á þessum dagsetningum“ eða „pantaðu þessa vöru á besta verði“ – og gervigreind sér um rest.

Þessi þróun breytir því hvernig viðskiptavinir tengjast fyrirtækjum.

Viðskiptavinurinn er ekki lengur alltaf í beinum samskiptum í gegnum vef eða app

Gervigreind verður milliliður sem tekur ákvarðanir

Samkeppni færist meira yfir í verð, framboð og greiðslulausnir frekar en upplifun á vef

Þetta setur nýjar kröfur á greiðslulausnir:

Að geta tekið við greiðslum frá „snjallfulltrúum” (AI agents)

Að tryggja skýrt samþykki og rekjanleika

Að halda utan um viðskiptavininn, þrátt fyrir nýjar leiðir í kaupferlinu

Þróunin er enn á byrjunarstigi, en hún er að gerast hratt.

Alþjóðleg fyrirtæki eins og Google, Visa og Adyen eru þegar farin að vinna að stöðlum og lausnum sem gera gervigreind kleift að framkvæma greiðslur á öruggan hátt.

Adyen er þar í fremstu röð og þróar greiðsluinnviði sem styðja við þessa nýju tegund viðskipta.

Hjá Straumi fylgjumst við náið með þessari þróun.

Sem samstarfsaðili Adyen nýtum við þá tækni og innviði sem eru að mótast á alþjóðavísu og gerum íslenskum fyrirtækjum kleift að vera tilbúin fyrir næstu skref í netverslun.

Við leggjum áherslu á að greiðslulausnir okkar:

·      styðji við nýjar leiðir í netverslun

·      séu öruggar og rekjanlegar

·      og gefi fyrirtækjum stjórn á sínum viðskiptasamböndum

AI að kaupa fyrir fólk – næsta skref í netverslun

Straumur hefur uppfært viðskiptaskilmála sína. Uppfærðir skilmálar taka gildi 1. maí 2026.

Skýrari skilgreiningar á hugtökum og ábyrgð aðila, m.a. varðandi framkvæmd greiðslufærslna og ábyrgð söluaðila

Nánari ákvæði um endurgreiðslur og framkvæmd þeirra

Uppfærðar reglur um öryggi og meðferð kortaupplýsinga í samræmi við alþjóðlega öryggisstaðla (PCI DSS)

Skýrari kröfur til söluaðila varðandi upplýsingar, tilkynningarskyldu og samstarf við Straum

Nánari ákvæði um endurkröfur (chargebacks) og meðferð ágreiningsmála

Uppfærðar reglur um notkun búnaðar og framkvæmd greiðslna, þ.m.t. netviðskipti og snertilausar greiðslur

Breytingar á ákvæðum um gjaldtöku, uppgjör og mögulegan frádrátt

Almennt bætt framsetning og skýrari orðalag til að auka gagnsæi og skilning

Uppfærðir viðskiptaskilmálar eru aðgengilegir hér.

Ef þú hefur spurningar varðandi breytingarnar er þér velkomið að hafa samband við okkur á straumur@straumur.is.

Viðskiptaskilmálar Straums uppfærðir

Straumur býður upp á að taka við greiðslum með American Express (Amex) kortum bæði í posa- og veflausnum.

Amex® kort eru mikið notuð bæði á Íslandi og á netinu. Kortahafar eyða að jafnaði hærri upphæðum í hverri færslu og heildarvelta Amex á Íslandi hefur aukist hratt á undanförnum árum. Fyrir mörg fyrirtæki felur þetta í sér talsvert tækifæri til að auka sölu, sérstaklega þar sem hluti viðskipta kemur frá erlendum viðskiptavinum.

Greiðslur með Amex eru gerðar upp á sama tíma og aðrar kortagreiðslur og birtast á sama uppgjöri. Straumur sér einnig um endurkröfur og ágreiningsmál vegna Amex færslna, þannig að umsýsla helst einföld. 

Ef þú vilt taka á móti Amex er einfalt að hafa samband við þjónustuver Straums í síma 585 6600 eða á straumur@straumur.is og við græjum þetta hratt og örugglega.

Taktu við American Express með Straumi

Á dögunum fengum við hjá Straumi tækifæri til að bjóða samstarfsaðilum okkar úr röðum hugbúnaðarhúsa og tækniaðila á viðburð í samstarfi við Adyen. Þar hittumst við til að ræða þróun greiðslna og hvernig þær eru sífellt að verða stærri hluti af notendaupplifun, hraða og samkeppnishæfni fyrirtækja.

Við fórum yfir nýjustu greiðslutrendar, þar á meðal Agentic Commerce, þar sem sjálfvirkni, gervigreind og greiðslur fléttast saman og opna nýjar leiðir til að bæta þjónustu og einfalda rekstur.

Einnig deildum við raunverulegum dæmum úr íslenskum rekstri og ræddum hvernig greiðslulausnir virka best þegar tækni, þjónusta og samstarf fara saman. Umræðurnar voru lifandi og endurspegluðu vel þann áhuga sem er á framtíð greiðslna og nýjum lausnum á markaðnum.

Við þökkum öllum sem komu kærlega fyrir komuna og góð samtöl – og hlökkum til áframhaldandi samstarfs.

Hér má sjá nokkrar skemmtilegar myndir frá viðburðinum.

Nýjustu greiðslutrend á viðburði Straums

Við viljum upplýsa söluaðila um breytingar á farsímanetum sem eru í tengslum við að slökkt er á 2G og 3G um land allt. Búnaður sem byggir eingöngu á þessari eldri tækni mun því hætta að virka þegar kerfin eru tekin úr notkun.

Posar frá Straumi nota hins vegar 4G-tengingu og styðja nútímalegar fjarskiptalausnir. 

Söluaðilar geta því verið fullvissir um að posar Straums haldi áfram að virka áreiðanlega og örugglega og eru tilbúnir fyrir áframhaldandi tæknibreytingar í fjarskiptum.

Straums posar óháðir 2G/3G

Við lok árs er gott að staldra aðeins við, líta yfir vegferðina og horfa fram á veginn.

Síðasta ár hjá Straumi var á margan hátt áminning um hvers vegna það er svo gaman að starfa í greiðslumiðlun. Tæknin skiptir máli. Hraðinn líka. En að lokum er það fólkið sem ræður úrslitum.

Á árinu kláruðum við stærsta verkefni í sögu Straums hingað til. Við fluttum lausnir allra okkar söluaðila yfir á einn sameiginlegan grunn og byggðum allar greiðslulausnir Straums á heimsklassa tækni frá Adyen. Umbreytingunni lauk fyrir 1. nóvember og með henni hófst nýr kafli. Nú byggjum við okkar eigin lausnir á sterkum og stöðugum innviðum.

Þetta var stórt skref. Flókið. Krefjandi. En mikilvægt.

Það sem stendur þó sterkast eftir eru söluaðilarnir okkar og samstarfsaðilar. Við viljum þakka fyrir frábært samstarf á árinu. Svona umbreyting tekst ekki nema með gagnkvæmu trausti og skýrri samvinnu.

Eftir að þessum stóra áfanga var náð var sérstaklega ánægjulegt að nýta nýju innviði Straums til að hafa jákvæð áhrif. Í samstarfi við Adyen tókum við þátt í góðgerðarverkefnum þar sem framlög í gegnum posa Straums runnu annars vegar til UN Women á Íslandi og hins vegar til UNICEF á Íslandi. Í báðum tilvikum tvöfölduðum við hvert framlag.

Síðasta ár var ár uppbyggingar og tímamóta.
Næsta ár verður ár þar sem við nýtum grunninn sem við höfum lagt.

Ár uppbyggingar að baki. Sterkur grunnur til framtíðar 🚀

Straumur, í samstarfi við Adyen og UN Women á Íslandi, býður söluaðilum sínum að taka þátt í alþjóðlegu átaki gegn kynbundnu ofbeldi þar sem allt fjármagn rennur til verkefna UN Women á Íslandi sem stuðla að því að uppræta stafrænt kynbundið ofbeldi. 

Átakið er hluti af 16 daga vitundarvakningu UN Women á Íslandi og fer fram 25. nóvember til 10. desember. Á þessum tíma geta viðskiptavinir styrkt UN Women á Íslandi við lok kaupa í posa. Straumur og Adyen tvöfalda síðan áhrif gjafarinnar með því að leggja jafnhátt mótframlag við hverja krónu sem safnast. 

Átakið stendur frá 25. nóvember – 10. desember. 

Viðskiptavinir geta valið að styrkja UN Women á Íslandi um 500, 1.000 eða 1.500 krónur eða valið Ekki núna. 

Flæðið í posanum er einfalt og lengir ekki afgreiðslu. 

Straumur og Adyen tvöfalda áhrif gjafarinnar með mótframlagi. 

Allar upphæðir renna óskipt til UN Women á Íslandi. 

Efni til að segja frá átakinu verður sent á söluaðila sem taka þátt. 

Þegar posinn er ekki í notkun birtist mynd á skjánum sem kynnir átakið. 

Eftir að greitt hefur verið birtist styrktarskjárinn. 

Þar getur viðskiptavinur valið að styrkja UN Women á Íslandi um 500, 1.000 eða 1.500 kr. 

Ef viðskiptavinur velur að styrkja þarf hann aðeins að tappa eða swipe-a kortinu einu sinni. Gjöfin er aðskilin frá aðalgreiðslunni og birtist sem sérstök færsla á bankayfirliti viðskiptavinarins. 

Kynbundið ofbeldi er enn eitt útbreiddasta mannréttindabrot heims. Tækniframfarir hafa skapað ný rými þar sem ofbeldi og áreitni þrífst án eftirlits. Stafrænt kynbundið ofbeldi hefur alvarleg áhrif á heilsu, öryggi og líðan þeirra sem fyrir verða og dregur úr möguleikum kvenna til þátttöku í opinberu lífi. UN Women á Íslandi leiðir þessa vitundarvakningu og hvetur fyrirtæki til að taka þátt í sameiginlegri baráttu til að uppræta stafrænt kynbundið ofbeldi á landsvísu.

Straumur í samstarfi við UN Women á Íslandi

Ímyndaðu þér að starfsmaðurinn slái inn upphæð í sínum posa… og greiðslan birtist sjálfkrafa í posa viðskiptavinarins hinum megin í rýminu. Engin hlaup, engin milliskref – bara senda upphæð til greiðslu og málið klárt.

Straumur hefur þróað nýtt app sem gerir nákvæmlega þetta. Lausnin hentar sérstaklega í verslunum og á veitingastöðum þar sem sá sem tekur pöntunina og sá sem afhendir posann eru ekki á sama stað.

Tveir posar, ein greiðsla – einfaldara verður það ekki.

Þetta er hluti af áframhaldandi þróun okkar hjá Straumi til að gera greiðslur nútímalegri, snjallari og aðeins skemmtilegri. Ef þú vilt nýta þér þetta hafðu samband við okkur á straumur@straumur.is

Greiðslan hoppar á milli posa! Nýtt frá Straumi

Ný Magento viðbót (e.plugin) frá Straumi er komin í loftið.

Viðbótin styður bæði Greiðslusíðu (e. Hosted Checkout) og Greiðslugátt (e.Drop-in API ) leiðir og hentar því mismunandi þörfum fyrirtækja, hvort sem þau vilja hraða innleiðingu eða meiri sérsmíði.

Við vinnum áfram að því að bjóða upp á einfaldar og sveigjanlegar greiðslulausnir fyrir íslenskar netverslanir.

Viltu vita meira eða fá aðstoð við uppsetningu? Hafðu samband við okkur á straumur@straumur.is

Ný Magento viðbót frá Straumi

Nýtum tæknina til góðs – Hjálpum börnum á Gaza

Straumur, í samstarfi við Adyen og UNICEF á Íslandi, býður söluaðilum sínum að taka þátt í 10 daga átaki til hjálpar börnunum á Gaza. Átakið hefst fimmtudaginn 9. október og stendur til 19. október og ber yfirskriftina Hver mínúta skiptir máli.


Uppfærslan í Straums posanum er einföld og krefst einskis af söluaðilum nema samþykkis til þátttöku, og vera í viðskiptum við Straum með Straums posa. Við hvetjum sem flesta söluaðila til að taka þátt og sýna samstöðu með börnum sem þurfa á okkur að halda. Straumur og Adyen tvöfalda síðan áhrif gjafarinnar með því að leggja jafnhátt mótframlag við hverja krónu. Engin gjöld eru dregin af – öll upphæðin rennur óskipt til UNICEF á Íslandi til styrktar börnum á Gaza.

Hörmungar barna á Gaza halda áfram. UNICEF Barnahjálp Sameinuðu þjóðanna og aðrar stofnanir Sameinuðu þjóðanna hafa lýst yfir hungursneyð í Gaza-borg og gert er ráð fyrir að hún breiðist út á næstu vikum. Vannæring meðal barna eykst með skelfilegum hraða – í júlí voru yfir 12.000 börn greind með bráðavannæringu, sexföld aukning frá áramótum. Næstum fjórðungur þeirra glímir við alvarlegustu tegund vannæringar, sem getur haft bæði skammtíma- og langtímaafleiðingar.

UNICEF vinnur dag og nótt að því að veita börnum neyðaraðstoð: mat, hreint vatn, læknishjálp og sálrænan stuðning. Þeirra aðgangur er þó mjög takmarkaður og stuðningur frá almenningi og fyrirtækjum skiptir sköpum til að hægt sé að bregðast hratt við þegar færi gefst.

Þegar posinn er ekki í notkun birtist mynd á öllum skjánum til að kynna átakið.

Þegar viðskiptavinurinn greiðir fyrir vöruna eða þjónustuna birtist styrktarskjárinn í 10 sekúndur. Þar getur viðskiptavinurinn valið að gefa 500, 1.000 eða 1.500 krónur – eða valið Ekki núna.

Ef hann velur að gefa þarf hann aðeins að tappa eða swipe-a kortinu einu sinni.

Gjöfin er aðskilin frá aðalgreiðslunni:

Hún birtist ekki á kvittuninni eða í uppgjöri söluaðila.

Hún kemur sem aðskilin færsla á bankayfirliti viðskiptavinarins.

Engin gjöld eru tekin af styrktargjöfinni.

Ef þitt fyrirtæki vill leggja þessu aðkallandi málefni lið - skráðu þið hér.


Gefðu til góðs - Hjálpum börnum á Gaza

Straumur hefur verið útnefndur Best Payment Processing Platform 2025 – Iceland í fjártækniverðlaunum Wealth & Finance International FinTech Awards. 

Wealth & Finance International FinTech Awards hafa frá árinu 2017 valið fyrirtæki sem skara fram úr í nýsköpun og gæðum á sviði fjártækni. Straumur er fyrsta íslenska fjártæknifyrirtækið sem hlýtur þessi verðlaun.

„Þessi viðurkenning sýnir að metnaður okkar um að bjóða upp á öruggar, skilvirkar og notendavænar greiðslulausnir er að skila sér. Við erum stolt af teyminu okkar og viðskiptavinum sem gera þetta mögulegt,“ segir Lilja Ólafsdóttir framkvæmdastjóri hjá Straumi.

Við erum í skýjunum yfir viðurkenningunni og er hún hvatning til að vera áfram leiðandi í þróun greiðslulausna fyrir íslensk fyrirtæki.

Lesa má fréttatilkynningu frá Wealth & Finance International hér.

Straumur hlýtur alþjóðlega viðurkenningu

Rannsókn Adyen sýnir að 1 af hverjum 2 neytendum hættir við kaup ef greiðsluferlið er ekki í takt við væntingar þeirra. Til að umbreyta áhugasömum vafrara í raunverulegan kaupanda þurfa verslanir að skilja hvernig viðskiptavinir vilja versla – og bregðast við því með réttu lausnunum.

46% af Gen Z kjósa að versla hjá söluaðilum sem bjóða upp á kaup í gegnum samfélagsmiðla.

51% neytenda hætta við kaup ef þeir geta ekki greitt með þeim hætti sem þeim hentar.

Þetta er meðal þess sem kemur fram í Adyen's Retail Index 2025 sem veitir innsýn í kauphegðun og aðgerðir sem verslanir geta gert til að mæta breyttum kröfum neytenda.

Hvernig vilja viðskiptavinir versla?

Við höfum bætt við lausn fyrir fyrirtæki sem bjóða upp á áskriftir eða reglulegar greiðslur. Með endurteknum greiðslum í gegnum Straum geturðu boðið upp á greiðsluflæði sem einfaldar lífið fyrir bæði viðskiptavini og starfsfólk.

Viðskiptavinir þurfa aðeins að skrá kortaupplýsingar einu sinni – eftir það eru greiðslur innheimtar sjálfkrafa samkvæmt greiðsluáætlun. Lausnin byggir á öruggri tokenization-tækni og hentar vel fyrir klúbba, þjónustu sem greitt er fyrir mánaðarlega og aðrar endurteknar innheimtur.

Þú færð:
– Einfaldari greiðsluflæði fyrir áskriftir
– Örugg og vottuð vistun greiðsluupplýsinga
– Sjálfvirka innheimtu og betri yfirsýn í stjórnborðinu

Hafðu samband ef þú vilt bæta við áskriftargreiðslum fyrir þitt fyrirtæki.

Endurteknar greiðslur og áskriftir

Straumur er að færa allar bakendatengingar frá Valitor (nú Rapyd) yfir til Adyen, sem býður upp á öfluga og nútímalega tæknihögun með auknum stöðugleika, hraða og sveigjanleika til framtíðar.

Ef þú ert með greiðslutengingu í gegnum Valitor, þarf að ljúka uppfærslu í nýja lausn Straums í síðasta lagi 30. júní 2025 til að tryggja áframhaldandi virkni greiðslna í vefversluninni þinni.

Þetta á við um viðskiptavini sem nota annað af eftirfarandi:

1. Ef þú ert með Valitor Pay (API) tengingu:

Við mælum með að uppfæra í Straums Components, sem veitir beina tengingu við greiðslugáttina.

Ef þú notar vistuð kort eða áskriftargreiðslur, þarftu einnig að virkja tokenization. Hægt er að velja milli:

🔗 Components með token greiðslumöguleika

Við leysum flækjurnar, þú tekur við greiðslum

Íslensk þjónusta

Allar greiðslur á einum stað

Byggt á sterkum grunni

Veldu leið sem hentar þér

Posinn talar við kassakerfið

Allar helstu greiðsluleiðir

Þjónustuvefur sem sparar tíma

Greiðslulausnir sem þú getur treyst

Straumur býður öruggar og áreiðanlegar greiðslulausnir sem tengjast helstu verslunar-, afgreiðslu- og bókhaldskerfum. Lausnirnar eru einfaldar í notkun og geta vaxið með rekstrinum.

Fullkomin yfirsýn á þjónustuvefnum

Þjónustuvefur Straums veitir þér yfirsýn yfir færslur, uppgjör og greiðslur á einum stað. Þar finnur þú þau gögn sem þú þarft til að fylgjast með rekstrinum.

Þjónusta sem skiptir máli

Frá fyrstu umsókn til virkjunar færðu þjónustu frá íslenskum sérfræðingum sem þekkja markaðinn og eru aðeins símtal í burtu.

Við hjálpum þér að finna réttu lausnina

Segðu okkur frá rekstrinum og við höfum samband með tillögu að lausn sem hentar þér.

Fréttir

Styttra kaupferli. Færri yfirgefnar körfur.

Fljótari afgreiðsla með posaappi Straums

Er allt klárt fyrir sumarið?

Hvernig getum við aðstoðað?