Straumur, dótturfélag Kviku banka, er nýtt greiðslumiðlunarfyrirtæki á íslenskum markaði. Straumur leggur áherslu á að vera leiðandi í fjártækni og veita framúrskarandi þjónustu. Okkar tilgangur er að auðvelda söluaðilum lífið með fjölbreyttum og öruggum greiðslulausnum til að taka á móti greiðslum, meðal annars í gegnum posa og á netinu.

Straumur-Video-3min16max-mbRate.mp4

Við sameinum á einum vettvangi allar helstu greiðslulausnir, þar á meðal posa- og veflausnir

Straumur-4icon-json-08.json

Posar

Taktu við greiðslum á netinu með þeim hætti sem þér hentar

Veflausnir

Straumur, dótturfélag Kviku banka, er íslenskt fyrirtæki í greiðslumiðlun. Straumur leggur áherslu á að vera leiðandi í fjártækni og veita framúrskarandi þjónustu. 

Straumur er í samstarfi við evrópska fjártæknifyrirtækið Adyen og tengt öllum helstu bókhalds- og afgreiðslukerfum á Íslandi.

Með Straumi færðu meira en greiðslumiðlun. Þú færð samstarfsaðila sem hjálpar þér að vaxa.

Straumur

Þjónustuver Straums er opið alla virka daga 9 – 16

Nú er hægt að virkja tveggja þátta auðkenningu við innskráningu á þjónustuvef Straums.

Með tveggja þátta auðkenningu þarf notandi ekki aðeins að slá inn lykilorð heldur einnig að staðfesta innskráningu með síma eða auðkennisforriti. Þetta eykur öryggi verulega og dregur úr hættu á óviðkomandi aðgangi.

Uppsetning er einföld og tekur aðeins nokkrar mínútur. Við mælum með að allir notendur virki þessa viðbót til að auka öryggi aðgangs að þjónustuvefnum.

Leiðbeiningar um hvernig á að virkja tveggja þátta auðkenningu má finna hér.

Virkjaðu tveggja þátta auðkenningu

Söluaðilar Straums geta nú sent greiðslutengla með SMS eða tölvupósti beint úr þjónustuvef Straums. Hvert sent SMS kostar 10 kr. en ekkert gjald er tekið ef sent er með tölvupósti.

Með nýju uppfærslunni er hægt að stofna greiðslutengil og senda hann strax til viðskiptavinar án þess að nota posa eða vefverslun. Viðskiptavinurinn gengur svo frá greiðslu á öruggri greiðslusíðu Straums með korti, Apple Pay eða Google Pay.

taka þarf við greiðslu í síma eða í gegnum samfélagsmiðla

rukka þarf fyrir þjónustu eða sérpantanir

einfalda á greiðsluferli án vefverslunar

Greiðslutenglar eru stofnaðir á þjónustuvef Straums þar sem einnig er hægt að fylgjast með stöðu greiðslna, sjá hvaða tenglar hafa verið greiddir og endursenda tengla ef þörf er á.

Með þessari viðbót verður ferlið fljótlegra og einfaldara fyrir bæði söluaðila og viðskiptavini.


Ef þú hefur áhuga á að nýta greiðslutengla, sendu okkur línu á straumur@straumur.is og við græjum málið.

Sendu greiðslutengil beint úr þjónustuvefnum

Gervigreind er farin að hafa áhrif á hvernig við leitum að vörum og þjónustu. Næsta skref er að hún taki einnig þátt í sjálfum kaupunum.

Þetta er kallað agentic commerce – þegar notandi felur gervigreind að finna, bera saman og kaupa vörur fyrir sig.

Í stað þess að fara sjálf/ur í gegnum netverslun getur viðskiptavinur einfaldlega sagt:
„Finndu fyrir mig bestu flugin á þessum dagsetningum“ eða „pantaðu þessa vöru á besta verði“ – og gervigreind sér um rest.

Þessi þróun breytir því hvernig viðskiptavinir tengjast fyrirtækjum.

Viðskiptavinurinn er ekki lengur alltaf í beinum samskiptum í gegnum vef eða app

Gervigreind verður milliliður sem tekur ákvarðanir

Samkeppni færist meira yfir í verð, framboð og greiðslulausnir frekar en upplifun á vef

Þetta setur nýjar kröfur á greiðslulausnir:

Að geta tekið við greiðslum frá „snjallfulltrúum” (AI agents)

Að tryggja skýrt samþykki og rekjanleika

Að halda utan um viðskiptavininn, þrátt fyrir nýjar leiðir í kaupferlinu

Þróunin er enn á byrjunarstigi, en hún er að gerast hratt.

Alþjóðleg fyrirtæki eins og Google, Visa og Adyen eru þegar farin að vinna að stöðlum og lausnum sem gera gervigreind kleift að framkvæma greiðslur á öruggan hátt.

Adyen er þar í fremstu röð og þróar greiðsluinnviði sem styðja við þessa nýju tegund viðskipta.

Hjá Straumi fylgjumst við náið með þessari þróun.

Sem samstarfsaðili Adyen nýtum við þá tækni og innviði sem eru að mótast á alþjóðavísu og gerum íslenskum fyrirtækjum kleift að vera tilbúin fyrir næstu skref í netverslun.

Við leggjum áherslu á að greiðslulausnir okkar:

·      styðji við nýjar leiðir í netverslun

·      séu öruggar og rekjanlegar

·      og gefi fyrirtækjum stjórn á sínum viðskiptasamböndum

AI að kaupa fyrir fólk – næsta skref í netverslun

Straumur hefur uppfært viðskiptaskilmála sína. Uppfærðir skilmálar taka gildi 1. maí 2026.

Skýrari skilgreiningar á hugtökum og ábyrgð aðila, m.a. varðandi framkvæmd greiðslufærslna og ábyrgð söluaðila

Nánari ákvæði um endurgreiðslur og framkvæmd þeirra

Uppfærðar reglur um öryggi og meðferð kortaupplýsinga í samræmi við alþjóðlega öryggisstaðla (PCI DSS)

Skýrari kröfur til söluaðila varðandi upplýsingar, tilkynningarskyldu og samstarf við Straum

Nánari ákvæði um endurkröfur (chargebacks) og meðferð ágreiningsmála

Uppfærðar reglur um notkun búnaðar og framkvæmd greiðslna, þ.m.t. netviðskipti og snertilausar greiðslur

Breytingar á ákvæðum um gjaldtöku, uppgjör og mögulegan frádrátt

Almennt bætt framsetning og skýrari orðalag til að auka gagnsæi og skilning

Uppfærðir viðskiptaskilmálar eru aðgengilegir hér.

Ef þú hefur spurningar varðandi breytingarnar er þér velkomið að hafa samband við okkur á straumur@straumur.is.

Viðskiptaskilmálar Straums uppfærðir

Straumur býður upp á að taka við greiðslum með American Express (Amex) kortum bæði í posa- og veflausnum.

Amex® kort eru mikið notuð bæði á Íslandi og á netinu. Kortahafar eyða að jafnaði hærri upphæðum í hverri færslu og heildarvelta Amex á Íslandi hefur aukist hratt á undanförnum árum. Fyrir mörg fyrirtæki felur þetta í sér talsvert tækifæri til að auka sölu, sérstaklega þar sem hluti viðskipta kemur frá erlendum viðskiptavinum.

Greiðslur með Amex eru gerðar upp á sama tíma og aðrar kortagreiðslur og birtast á sama uppgjöri. Straumur sér einnig um endurkröfur og ágreiningsmál vegna Amex færslna, þannig að umsýsla helst einföld. 

Ef þú vilt taka á móti Amex er einfalt að hafa samband við þjónustuver Straums í síma 585 6600 eða á straumur@straumur.is og við græjum þetta hratt og örugglega.

Taktu við American Express með Straumi

Á dögunum fengum við hjá Straumi tækifæri til að bjóða samstarfsaðilum okkar úr röðum hugbúnaðarhúsa og tækniaðila á viðburð í samstarfi við Adyen. Þar hittumst við til að ræða þróun greiðslna og hvernig þær eru sífellt að verða stærri hluti af notendaupplifun, hraða og samkeppnishæfni fyrirtækja.

Við fórum yfir nýjustu greiðslutrendar, þar á meðal Agentic Commerce, þar sem sjálfvirkni, gervigreind og greiðslur fléttast saman og opna nýjar leiðir til að bæta þjónustu og einfalda rekstur.

Einnig deildum við raunverulegum dæmum úr íslenskum rekstri og ræddum hvernig greiðslulausnir virka best þegar tækni, þjónusta og samstarf fara saman. Umræðurnar voru lifandi og endurspegluðu vel þann áhuga sem er á framtíð greiðslna og nýjum lausnum á markaðnum.

Við þökkum öllum sem komu kærlega fyrir komuna og góð samtöl – og hlökkum til áframhaldandi samstarfs.

Hér má sjá nokkrar skemmtilegar myndir frá viðburðinum.

Nýjustu greiðslutrend á viðburði Straums

Við viljum upplýsa söluaðila um breytingar á farsímanetum sem eru í tengslum við að slökkt er á 2G og 3G um land allt. Búnaður sem byggir eingöngu á þessari eldri tækni mun því hætta að virka þegar kerfin eru tekin úr notkun.

Posar frá Straumi nota hins vegar 4G-tengingu og styðja nútímalegar fjarskiptalausnir. 

Söluaðilar geta því verið fullvissir um að posar Straums haldi áfram að virka áreiðanlega og örugglega og eru tilbúnir fyrir áframhaldandi tæknibreytingar í fjarskiptum.

Straums posar óháðir 2G/3G

Við lok árs er gott að staldra aðeins við, líta yfir vegferðina og horfa fram á veginn.

Síðasta ár hjá Straumi var á margan hátt áminning um hvers vegna það er svo gaman að starfa í greiðslumiðlun. Tæknin skiptir máli. Hraðinn líka. En að lokum er það fólkið sem ræður úrslitum.

Á árinu kláruðum við stærsta verkefni í sögu Straums hingað til. Við fluttum lausnir allra okkar söluaðila yfir á einn sameiginlegan grunn og byggðum allar greiðslulausnir Straums á heimsklassa tækni frá Adyen. Umbreytingunni lauk fyrir 1. nóvember og með henni hófst nýr kafli. Nú byggjum við okkar eigin lausnir á sterkum og stöðugum innviðum.

Þetta var stórt skref. Flókið. Krefjandi. En mikilvægt.

Það sem stendur þó sterkast eftir eru söluaðilarnir okkar og samstarfsaðilar. Við viljum þakka fyrir frábært samstarf á árinu. Svona umbreyting tekst ekki nema með gagnkvæmu trausti og skýrri samvinnu.

Eftir að þessum stóra áfanga var náð var sérstaklega ánægjulegt að nýta nýju innviði Straums til að hafa jákvæð áhrif. Í samstarfi við Adyen tókum við þátt í góðgerðarverkefnum þar sem framlög í gegnum posa Straums runnu annars vegar til UN Women á Íslandi og hins vegar til UNICEF á Íslandi. Í báðum tilvikum tvöfölduðum við hvert framlag.

Síðasta ár var ár uppbyggingar og tímamóta.
Næsta ár verður ár þar sem við nýtum grunninn sem við höfum lagt.

Ár uppbyggingar að baki. Sterkur grunnur til framtíðar 🚀

Straumur, í samstarfi við Adyen og UN Women á Íslandi, býður söluaðilum sínum að taka þátt í alþjóðlegu átaki gegn kynbundnu ofbeldi þar sem allt fjármagn rennur til verkefna UN Women á Íslandi sem stuðla að því að uppræta stafrænt kynbundið ofbeldi. 

Átakið er hluti af 16 daga vitundarvakningu UN Women á Íslandi og fer fram 25. nóvember til 10. desember. Á þessum tíma geta viðskiptavinir styrkt UN Women á Íslandi við lok kaupa í posa. Straumur og Adyen tvöfalda síðan áhrif gjafarinnar með því að leggja jafnhátt mótframlag við hverja krónu sem safnast. 

Átakið stendur frá 25. nóvember – 10. desember. 

Viðskiptavinir geta valið að styrkja UN Women á Íslandi um 500, 1.000 eða 1.500 krónur eða valið Ekki núna. 

Flæðið í posanum er einfalt og lengir ekki afgreiðslu. 

Straumur og Adyen tvöfalda áhrif gjafarinnar með mótframlagi. 

Allar upphæðir renna óskipt til UN Women á Íslandi. 

Efni til að segja frá átakinu verður sent á söluaðila sem taka þátt. 

Þegar posinn er ekki í notkun birtist mynd á skjánum sem kynnir átakið. 

Eftir að greitt hefur verið birtist styrktarskjárinn. 

Þar getur viðskiptavinur valið að styrkja UN Women á Íslandi um 500, 1.000 eða 1.500 kr. 

Ef viðskiptavinur velur að styrkja þarf hann aðeins að tappa eða swipe-a kortinu einu sinni. Gjöfin er aðskilin frá aðalgreiðslunni og birtist sem sérstök færsla á bankayfirliti viðskiptavinarins. 

Kynbundið ofbeldi er enn eitt útbreiddasta mannréttindabrot heims. Tækniframfarir hafa skapað ný rými þar sem ofbeldi og áreitni þrífst án eftirlits. Stafrænt kynbundið ofbeldi hefur alvarleg áhrif á heilsu, öryggi og líðan þeirra sem fyrir verða og dregur úr möguleikum kvenna til þátttöku í opinberu lífi. UN Women á Íslandi leiðir þessa vitundarvakningu og hvetur fyrirtæki til að taka þátt í sameiginlegri baráttu til að uppræta stafrænt kynbundið ofbeldi á landsvísu.

Straumur í samstarfi við UN Women á Íslandi

Ímyndaðu þér að starfsmaðurinn slái inn upphæð í sínum posa… og greiðslan birtist sjálfkrafa í posa viðskiptavinarins hinum megin í rýminu. Engin hlaup, engin milliskref – bara senda upphæð til greiðslu og málið klárt.

Straumur hefur þróað nýtt app sem gerir nákvæmlega þetta. Lausnin hentar sérstaklega í verslunum og á veitingastöðum þar sem sá sem tekur pöntunina og sá sem afhendir posann eru ekki á sama stað.

Tveir posar, ein greiðsla – einfaldara verður það ekki.

Þetta er hluti af áframhaldandi þróun okkar hjá Straumi til að gera greiðslur nútímalegri, snjallari og aðeins skemmtilegri. Ef þú vilt nýta þér þetta hafðu samband við okkur á straumur@straumur.is

Greiðslan hoppar á milli posa! Nýtt frá Straumi

Ný Magento viðbót (e.plugin) frá Straumi er komin í loftið.

Viðbótin styður bæði Greiðslusíðu (e. Hosted Checkout) og Greiðslugátt (e.Drop-in API ) leiðir og hentar því mismunandi þörfum fyrirtækja, hvort sem þau vilja hraða innleiðingu eða meiri sérsmíði.

Við vinnum áfram að því að bjóða upp á einfaldar og sveigjanlegar greiðslulausnir fyrir íslenskar netverslanir.

Viltu vita meira eða fá aðstoð við uppsetningu? Hafðu samband við okkur á straumur@straumur.is

Ný Magento viðbót frá Straumi

Nýtum tæknina til góðs – Hjálpum börnum á Gaza

Straumur, í samstarfi við Adyen og UNICEF á Íslandi, býður söluaðilum sínum að taka þátt í 10 daga átaki til hjálpar börnunum á Gaza. Átakið hefst fimmtudaginn 9. október og stendur til 19. október og ber yfirskriftina Hver mínúta skiptir máli.


Uppfærslan í Straums posanum er einföld og krefst einskis af söluaðilum nema samþykkis til þátttöku, og vera í viðskiptum við Straum með Straums posa. Við hvetjum sem flesta söluaðila til að taka þátt og sýna samstöðu með börnum sem þurfa á okkur að halda. Straumur og Adyen tvöfalda síðan áhrif gjafarinnar með því að leggja jafnhátt mótframlag við hverja krónu. Engin gjöld eru dregin af – öll upphæðin rennur óskipt til UNICEF á Íslandi til styrktar börnum á Gaza.

Hörmungar barna á Gaza halda áfram. UNICEF Barnahjálp Sameinuðu þjóðanna og aðrar stofnanir Sameinuðu þjóðanna hafa lýst yfir hungursneyð í Gaza-borg og gert er ráð fyrir að hún breiðist út á næstu vikum. Vannæring meðal barna eykst með skelfilegum hraða – í júlí voru yfir 12.000 börn greind með bráðavannæringu, sexföld aukning frá áramótum. Næstum fjórðungur þeirra glímir við alvarlegustu tegund vannæringar, sem getur haft bæði skammtíma- og langtímaafleiðingar.

UNICEF vinnur dag og nótt að því að veita börnum neyðaraðstoð: mat, hreint vatn, læknishjálp og sálrænan stuðning. Þeirra aðgangur er þó mjög takmarkaður og stuðningur frá almenningi og fyrirtækjum skiptir sköpum til að hægt sé að bregðast hratt við þegar færi gefst.

Þegar posinn er ekki í notkun birtist mynd á öllum skjánum til að kynna átakið.

Þegar viðskiptavinurinn greiðir fyrir vöruna eða þjónustuna birtist styrktarskjárinn í 10 sekúndur. Þar getur viðskiptavinurinn valið að gefa 500, 1.000 eða 1.500 krónur – eða valið Ekki núna.

Ef hann velur að gefa þarf hann aðeins að tappa eða swipe-a kortinu einu sinni.

Gjöfin er aðskilin frá aðalgreiðslunni:

Hún birtist ekki á kvittuninni eða í uppgjöri söluaðila.

Hún kemur sem aðskilin færsla á bankayfirliti viðskiptavinarins.

Engin gjöld eru tekin af styrktargjöfinni.

Ef þitt fyrirtæki vill leggja þessu aðkallandi málefni lið - skráðu þið hér.


Gefðu til góðs - Hjálpum börnum á Gaza

Straumur hefur verið útnefndur Best Payment Processing Platform 2025 – Iceland í fjártækniverðlaunum Wealth & Finance International FinTech Awards. 

Wealth & Finance International FinTech Awards hafa frá árinu 2017 valið fyrirtæki sem skara fram úr í nýsköpun og gæðum á sviði fjártækni. Straumur er fyrsta íslenska fjártæknifyrirtækið sem hlýtur þessi verðlaun.

„Þessi viðurkenning sýnir að metnaður okkar um að bjóða upp á öruggar, skilvirkar og notendavænar greiðslulausnir er að skila sér. Við erum stolt af teyminu okkar og viðskiptavinum sem gera þetta mögulegt,“ segir Lilja Ólafsdóttir framkvæmdastjóri hjá Straumi.

Við erum í skýjunum yfir viðurkenningunni og er hún hvatning til að vera áfram leiðandi í þróun greiðslulausna fyrir íslensk fyrirtæki.

Lesa má fréttatilkynningu frá Wealth & Finance International hér.

Straumur hlýtur alþjóðlega viðurkenningu

Rannsókn Adyen sýnir að 1 af hverjum 2 neytendum hættir við kaup ef greiðsluferlið er ekki í takt við væntingar þeirra. Til að umbreyta áhugasömum vafrara í raunverulegan kaupanda þurfa verslanir að skilja hvernig viðskiptavinir vilja versla – og bregðast við því með réttu lausnunum.

46% af Gen Z kjósa að versla hjá söluaðilum sem bjóða upp á kaup í gegnum samfélagsmiðla.

51% neytenda hætta við kaup ef þeir geta ekki greitt með þeim hætti sem þeim hentar.

Þetta er meðal þess sem kemur fram í Adyen's Retail Index 2025 sem veitir innsýn í kauphegðun og aðgerðir sem verslanir geta gert til að mæta breyttum kröfum neytenda.

Hvernig vilja viðskiptavinir versla?

Við höfum bætt við lausn fyrir fyrirtæki sem bjóða upp á áskriftir eða reglulegar greiðslur. Með endurteknum greiðslum í gegnum Straum geturðu boðið upp á greiðsluflæði sem einfaldar lífið fyrir bæði viðskiptavini og starfsfólk.

Viðskiptavinir þurfa aðeins að skrá kortaupplýsingar einu sinni – eftir það eru greiðslur innheimtar sjálfkrafa samkvæmt greiðsluáætlun. Lausnin byggir á öruggri tokenization-tækni og hentar vel fyrir klúbba, þjónustu sem greitt er fyrir mánaðarlega og aðrar endurteknar innheimtur.

Þú færð:
– Einfaldari greiðsluflæði fyrir áskriftir
– Örugg og vottuð vistun greiðsluupplýsinga
– Sjálfvirka innheimtu og betri yfirsýn í stjórnborðinu

Hafðu samband ef þú vilt bæta við áskriftargreiðslum fyrir þitt fyrirtæki.

Endurteknar greiðslur og áskriftir

Straumur er að færa allar bakendatengingar frá Valitor (nú Rapyd) yfir til Adyen, sem býður upp á öfluga og nútímalega tæknihögun með auknum stöðugleika, hraða og sveigjanleika til framtíðar.

Ef þú ert með greiðslutengingu í gegnum Valitor, þarf að ljúka uppfærslu í nýja lausn Straums í síðasta lagi 30. júní 2025 til að tryggja áframhaldandi virkni greiðslna í vefversluninni þinni.

Þetta á við um viðskiptavini sem nota annað af eftirfarandi:

1. Ef þú ert með Valitor Pay (API) tengingu:

Við mælum með að uppfæra í Straums Components, sem veitir beina tengingu við greiðslugáttina.

Ef þú notar vistuð kort eða áskriftargreiðslur, þarftu einnig að virkja tokenization. Hægt er að velja milli:

🔗 Components með token greiðslumöguleika

2. Ef þú ert með greiðslusíðu Valitor:

Við mælum með að uppfæra í Straums Greiðslusíðu (Hosted Checkout) – örugga vefsíðu hýsta af Straumi þar sem greiðsla fer fram.

Lausnin er einföld í uppsetningu og Straumur styður vinsæl kerfi eins og Shopify og WooCommerce.

Við erum hér til að hjálpa. Hafðu samband:

📩 Þjónustuteymi: straumur@straumur.is
👩‍💻 Þróunarteymi (vegna API tenginga): developers@straumur.is

Er búið að flytja veftenginguna til Straums?

Heild­stæð greiðslu­lausn fyr­ir ís­lensk­an markað

Í viðtali við Morgunblaðið er fjallað um samstarf Straums við evrópska færsluhirðinn Adyen. Lesa má greinina í heild sinni hér.

Með sam­starf­inu við Adyen fær Straum­ur aðgang að einni full­komn­ustu fjár­tækni heims. Þetta þýðir að ís­lensk fyr­ir­tæki geta notið sömu fram­sæknu lausn­ir og alþjóðlegu fyr­ir­tæki á borð við HM, Spotify og Microsoft en á sama tíma fengið þjón­ustu sem er aðlöguð að ís­lensk­um þörf­um:

Nú­tíma greiðslu­lausn­ir – Vef­versl­an­ir, posaþjón­usta og stak­ar greiðslur í einu upp­gjöri.

Öflug­ur þjón­ustu­vef­ur – Aðgang­ur að gagna­grein­ing­um og ít­ar­leg­um stjórn­un­ar­verk­fær­um.

Íslenskt viðmót og þjón­usta – Upp­gjör í ís­lensk­um krón­um, teng­ing­ar við inn­lend af­greiðslu- og bók­halds­kerfi og sér­sniðnar lausn­ir fyr­ir ís­lensk­an markað.

Ein­falt og skil­virkt greiðslu­ferli – All­ar greiðslu­leiðir á ein­um stað, með ein­um samn­ingi og einu upp­gjöri.

„Hjá Adyen ein­beit­um við okk­ur að því að þróa bestu lausn­irn­ar fyr­ir fremstu fyr­ir­tæk­in. Þess vegna erum við spennt fyr­ir sam­starf­inu við Straum og söluaðila þeirra. Straum­ur hef­ur markað sér stöðu í far­ar­broddi ís­lensks greiðslu­markaðar og veit­ir söluaðilum tæki­færi til að nýta alla mögu­leika lausna okk­ar, hvort sem er í ferðaþjón­ustu, veit­ing­a­rekstri, versl­un eða öðrum geir­um.

Við hlökk­um til að inn­leiða framúrsk­ar­andi greiðslu­lausn­ir, háþróaða grein­ingu á greiðslu­gögn­um og ein­falda upp­gjörs­ferla með Straumi fyr­ir ís­lenska markaðinn í heild sinni.“ seg­ir Tobi­as Lindh, fram­kvæmda­stjóri Adyen fyr­ir Norður­lönd og Eystra­saltslönd.

Nýtt tíma­bil í ís­lenskri greiðslumiðlun

Með þessu sam­starfi er grunn­ur­inn lagður að nýju tíma­bili í greiðslumiðlun á Íslandi. Fyr­ir­tæki fá nú aðgang að full­komn­ustu greiðslu­lausn­um sem völ er á, án þess að þurfa að fórna staðbund­inni þjón­ustu eða aðlög­un að ís­lensk­um rekstr­ar­skil­yrðum.

„Við trú­um á ein­fald­leika, skil­virkni og öfl­uga þjón­ustu. Straum­ur og Adyen eru sam­an að færa ís­lensk­um fyr­ir­tækj­um greiðslu­lausn­ir framtíðar­inn­ar – og við erum rétt að byrja," seg­ir Lilja að lok­um.

Samstarf sem umbreytir greiðslulausnum á Íslandi

Straumur býður nú upp á nýja viðbót sem einfaldar greiðslur í WooCommerce netverslunum. Með viðbótinni geta verslanir tekið við kortagreiðslum, Apple Pay og Google Pay hratt og örugglega, beint í gegnum örugga greiðslusíðu Straums.

Uppsetning er einföld og tryggir hnökralausa greiðsluupplifun fyrir viðskiptavini.

Þú getur nálgast leiðbeiningar til uppsetningar hér.

WooCommerce viðbót Straums

AUR hefur flutt greiðslugátt sína til Straums. Aur og Straumur eru bæði hluti af Kviku banka, en aukið samstarf milli félaganna mun bjóða uppá skilvirkari ferla og betri þjónustu fyrir söluaðila. Straumur býður söluaðila Aurs hjartanlega velkomna.

✔ Tækifæri til einföldunar með öll kortaviðskipti á einum stað

✔ Mælaborð með skýru yfirliti yfir veltu og lykiltölur

✔ Aðgangur að færslum með leit eftir kaupdegi, upphæð, kortanúmeri o.fl.

✔ Uppgjör og gjöld sýnd á skýran og aðgengilegan hátt

✔ Auðveldar endurgreiðslur til korthafa

✔ Rafræn viðskiptayfirlit og bein bókhaldstenging við DK, Navision/Business Central, Dynamics AX o.fl.

Ef einhverjar spurningar vakna, þá erum við hér til að aðstoða! Þú getur heyrt í okkur á straumur@straumur.is

AUR færir greiðslugátt til Straums

Vegna aukinnar umræðu um bókunarsvik hjá innlendum ferðaþjónustuaðilum viljum við vekja athygli ykkar á því hvernig hægt er að fylgjast með því hvort netfærslur séu 3D auðkenndar. 
 
Bókunarsvikin virðast lýsa sér þannig að endursöluaðilar bóka ferðir hjá íslenskum ferðaþjónustuaðilum, oft með skömmum fyrirvara, og greiða með stolnum kortum. Kortin eru gefin út utan Evrópu og styðja ekki 3D Secure auðkenningu. Ferðamenn mæta í ferðirnar, en skömmu síðar berst endurkrafa frá kortafyrirtækjum þar sem gefið er til kynna að kort hafi verið stolið og að korthafi hafi ekki nýtt þjónustuna. Þar sem þessar færslur eru ekki 3D auðkenndar fellur ábyrgðin á söluaðilann. 

Á þjónustuvef Straums má skýrt sjá hvort netfærsla sé 3D auðkennd. Við hvetjum ykkur til að vera vakandi fyrir netfærslum sem merktar eru Csc án 3D auðkenningar. Undir flipanum Færslur er hægt að bæta við dálkum 3D secure og Auðkenningaraðferð.


Ef kortin eru gefin út utan Evrópu og færslurnar eru ekki 3D auðkenndar fellur endurkröfuábyrgð á söluaðila. Sérstaklega skal fylgjast vel með bókunum sem gerðar eru með skömmum fyrirvara. 

Ef þið hafið grun um að kortafærslur séu gerðar með stolnum kortum eða ef ekki er hægt að staðfesta að viðskiptavinur sé raunverulegur korthafi, mælumst við eindregið til þess að hafna bókuninni og endurgreiða færsluna. 

Við erum hér til að aðstoða. Ef þið hafið einhverjar spurningar eða þarfnist ráðgjafar í tengslum við þetta, hafið endilega samband við okkur.

Vörum við bókunarsvikum!

Við kynnum með stolti tengingu Straums við DK! Nú geturðu tengt greiðslulausnir Straums beint við öll sölukerfi DK.

Ef þú vilt byrja að nota Straum með sölukerfum DK geturðu haft samband við okkur á straumur@straumur.is.

Straumur tengist DK

Við hjá Straumi erum ótrúlega stolt af öllu því sem hefur áunnist á þessu ári í nánu samstarfi við okkar frábæru tækniaðila Adyen ásamt öðrum sölu- og samstarfsaðilum. Þessi samstörf hafa gert okkur kleift að bjóða íslenskum fyrirtækjum framúrskarandi greiðslulausnir sem auðvelda daglegan rekstur og skapa betri upplifun fyrir viðskiptavini.

Þjónustuvefurinn – sniðinn að þörfum söluaðila

Markmið okkar er einfalt: Að vera besta greiðslumiðlunarþjónustan fyrir innlend fyrirtæki. Þjónustuvefurinn er hannaður með þarfir íslenskra söluaðila í forgrunni, og við erum þakklát fyrir allar tillögur sem hafa borist. Þær hafa hjálpað okkur að bæta þjónustuna og innleiða nýjungar sem söluaðilum okkar þykja nauðsynlegar. Við trúum því að sveigjanleiki og skjótar lausnir skipti sköpum.

Samstarf við Adyen – greiðslulausnir á heimsmælikvarða!

Með samstarfi okkar við Adyen höfum við tryggt að okkar söluaðilar geti notað sömu greiðslulausnir og stór alþjóðleg fyrirtæki á borð við Booking, Uber, Subway, Spotify og H&M. Adyen er einn stærsti færsluhirðir í Evrópu og þekktur fyrir framúrskarandi tæknilausnir.

Straums posar og nýjustu greiðslulausnirnar

Á síðustu mánuðum höfum við sett á laggirnar okkar eigin posaleigu og eru fjölmargir söluaðilar Straums nú þegar að nýta Straums posa með nýjasta hugbúnaði í samstarfi við Adyen. Nýju posarnir okkar bjóða upp á ótrúlega möguleika:

Samþætting við öll helstu sölukerfi á Íslandi.

Móttaka gjafabréfa sem einfaldar upplifun viðskiptavina.

Og svo miklu meira! Posarnir taka við fleiri tegundum af greiðslukortum, bjóða uppá myntval, þjórfé og hægt er að gefa til góðgerðamála.

Við höfum rúllað út frábærum veflausnum á síðustu misserum og erum að bæta við fleiri lausnum á næstu vikum. Við getum lofað spennandi nýjungum sem bæta upplifun söluaðila og viðskiptavina þeirra. Meðal nýjunga sem eru komnar eru:

Greiðslutenglar eru hagkvæm og einföld leið að taka við greiðslum á netinu.

Greiðslusíða Straums er örugg leið til að taka við greiðslum með kortum, Google Pay og Apple Pay.

Tenging við öll helstu vefverslunarkerfi. Við höfum innleitt viðbætur fyrir vefverslunarkerfi eins og Shopify, WooCommerce, WordPress, SmartWebber og fleiri á leiðinni.

Árið hefur einkennst af hraða, vexti og nýsköpun – og þetta er aðeins byrjunin. Við þökkum viðskiptavinum okkar og öllum tæknifyrirtækjum sem hafa tekið þátt í þessu ferðalagi með okkur. Við hlökkum til nýrra áskorana á næsta ári og erum full af eldmóði fyrir áframhaldandi vöxt.

Við þökkum traustið og frábært samstarf á árinu sem er að líða,

Metnaðarfullt ár að baki og spennandi tímar framundan 🚀

Það er ávinningur bæði fyrir söluaðila og viðskiptavini að bjóða upp á örugg kortaviðskipti. Með því að nýta sterka auðkenningu, eins og 3D Secure, er hægt að auka öryggi kortafærslna og lágmarka hættuna á sviksamlegum viðskiptum.

Sterk auðkenning er krafa samkvæmt reglum Evrópusambandsins um greiðsluþjónustu. Hún tryggir að greiðslur séu sannvottaðar þegar viðskiptavinir staðfesta þær í netverslun, skrá sig inn í app eða nota netbanka.

3D Secure er lykiltæki í þessu ferli og er notað til að:

Staðfesta að sá sem notar kortið sé raunverulega skráður notandi þess.

Við leysum flækjurnar, þú tekur við greiðslum

Fylgdu Straumnum í greiðslumiðlun

Nýsköpun í flæði fjármagns

Fréttir

Virkjaðu tveggja þátta auðkenningu

Sendu greiðslutengil beint úr þjónustuvefnum

AI að kaupa fyrir fólk – næsta skref í netverslun

Hvernig getum við aðstoðað?